Шэнэ жэлэй сценари (3 -4 наһатай үхибүүдтэ зорюулагдана)

 

« Саһан хүн хайшан гээд хамараа бэдэрээб ?»

Хүгжэмшэн – «Ой соо хасуури түрэбэ»гэжэ дуу дуулана, үхибүүд багшатаяа хамта гараа барилсан ороно, хасууриин хажуугаар үнгэржэ, стулнууд дээрэ һууна.

Багша :

- Үбэлнай хүхюун баяр асараа !

  Ногоон хасуури айлшлжа ерээ !

Доогуураа, дээгүүрээ шэмэглэгдэнхэй,

Элдэб нааданхайнууд олон үлгөөтэй !

Үхибүүд дүтэ наашаа ерэгты!

Гоё хасуури һайнаар харагты !

(Үхибүүд хасуури гоёшоожо харана, зогсоод байна).

Багша : ( Баруун гараа шэхэндээ баряад шагнана).

- Үхибүүд, шагная ! хасуури юумэ хэлэхэнь !

Гараа шэхэндээ баригты ! Шагнагты !

Хасуури : ( Хасууриин дуугарха дуулдана)

- Үхибүүд, сайн байна !

Намайе гэрэлтүүлыт,

Галхануудыемни носоогыт ! (Хасуури гэрэлтэжэ эхилбэ).

Багша :

- Хасууримнай һайханаар

Гэрэлтэжэ байнал!

Шэнэ жэл угтажа,

Хажуудань наадаял !

Хүгжэмтэ наадан (хоровод) «Шэнэ жэл угтая !»

1 Хасууриингаа хажуугаар

Хүтэрэлдөөд ябая!

Шэнэ жэлээ угтажа,

Хүхюутэй хатарая !

Дабталга :

Альгаа ташая,

Үшөө дахин ташая!

Хоёр хүлөөрөө

Дэбһээд абая ! ( дэбхэрнэ)

2. Хасууримнай ой соогоо

Заахан заахан байгаа.(үбдэг дээрээ һууна)

Кашаа һайнаар эдинэ,

Иимэ томо болоо.(бодоно, гараа үргэнэ).

3. Үхибүүд мүнөөдэр (бэеэ эльбэнэд, баруулжаа, зүүлжээ эрьелдэнэ)

Ямар гоё гээшэб!

Хасуури гэрэлтэнэ, (Хадхуурнуудые  бэеһээ һалгаана)

Намаанууд хадхууритай !

Багша :

- Бэрхэнүүд, һайнаар наадаат. Һуугты ! Шэнэ жэл тухай шүлэгүүдые уншахабди !

1. Шэнэ жэл баяр асараа.

Шэнэ жэл бэлэг асараа !

2. Хасуури үндэр,

Хасуури гоё !

Улаан ногоон галнууд

Аниб, ониб гэнэ !

3. Шэнэ жэлээ угтажа,

Шүлэгөө уншая!

Шэнэ жэлээ угтажа,

Дуугаа дуулая !

4.Үбэл ерээ,

Саһан ороо,

Үбэл ерээ,

Хүйтэн болоо !

5. Энэ хасуури

Ой соо ургаа.

Мүнөөдэр манда

Айлшалжа ерээ.

Багша ( Аудиозапись табина) :

- Саһанай һаршаганаан  дуулдана. Хэн ерэжэ ябанаб ? (Хүгжэм дуулдана).

(Саһан басаган орожо ерэнэ).

Саһан басаган :

- Сайн байна, үхибүүд ! Би Сагаан Үбгэнэй аша басаган гээшэб ! Танда үбэлэй , шэнэ жэлэй мэндэ асарааб!

Саһан басаган :

- Шэнэ жэл ерэхэдэнь,  һонин юумэн үзэгдэдэг.

 ( Саһан хүн ( Снеговик) баруун гараараа хамараа хаанхай орожо ерэнэ, уйлана ).

Багша :

- Үхибүүд . харыт ! Саһан хүн ерээ ! Юундэ уйлана гээшэб ?

Саһан хүн :

- Би ехэ уйдхартай ябанаб. Саһан басаган, харыш даа, ши ойлгохош. ( Саһан хүн гараа доошонь абажа, үгы хамараа харуулна).

Саһан басаган :

- Ай даа, шинии хамар хаанаб ? Гээгээ гүш ?

( Саһан хүн уйлана, гараараа нюдөө аршана).

Багша :

- Ши ехээр бү уйла ! Бидэ шамда түһалхабди .

Саһан басаган :

- Би гансаараа ерээгуйб намтай минии нухэд ойн амитад ерээ!Саhан хундэ хатараа харуулхабди. Борбоосгой hарбайна.

 

 Багша:-  Энэ саһа хамартаа баряад үзыш ?

Саһан хүн :

- Энэ минии хамар бэшэ ! Хадхууртай байна !

Саһан басаган :

- Хайшан гэжэ туһалхабди ? Аа – аа – а, таагааб ! Шандаганууд туһалха! Ута шэхэтэй, уймар шандаганууд наашаа ерэгты ! Морхообуудаа асарагты !

Багша ( морхооб һарбайна) :

- Саһан хүн, энэ шинии хамар гү ?

Саһан хүн :

- Тиимэ, тиимэ ! Энэ минии хамар ! Һайн даа, шандаганууд ! Хамарыемни оложо үгэбэт ! Ехэ баяртайб ! Би гэр соо ехэ халуудажа байнаб, хайлахадааш болохоб. Газаашаа гарахам !

 Саһан басаган :

- Ой руу түргэн бусыш даа ! Сагаан Үбгэниие дуудаарай ! Үхибүүд хүлеэжэ байна.

Саһан хүн :

- Зай, баяртай ! ( гаража ошоно).

Багша :

- Үхибүүд, хонхын абяан дуулдана, Сагаан Үбгэн ерэжэ ябана.

( Хонхын абяан дуулдана, Сагаан Үбгэн орожо ерэнэ).

 Сагаан Үбгэн :

- Сайн байна, хүндэтэ нүхэд !

Шэнэ жэлээр амаршалнаб ,

Ехэ жаргал хүсэнэб !

Гүнзэгы саһан соогуур алхалааб,

Шуурга һалхинда үлеэлгээб,

Хада уулаар ябааб !

Хасууритнай ямар гоё гэээшэб !

 Олон үнгын гэрэлтэй ,

Ялагар мүшэртэй !

Үхибүүд, ямар гоёор хубсаланхайбта! Саһан басагад , заахан шандаганууд һууна,ой амитад hууна.

Сагаан Үбгэн :

- Би ой соо саһан гэртэйб,

Мүльһэн сонхотойб,

Хүйтэн һалхи дуудаха аргатайб,

Сагаан саһанда дуратайб !

Мүнсэгэр саһа танда асарааб, таанартай наадахаа һананаб.

Наадан « Саһан» ( Снежки)

 

Саһан басаган :

- Шэнэ жэлээ угтажа,

Үхибүүд баяртай,

Сагаан Үбгэн танда

Бэлэгүүдые бэлэнхэй!

Багша :

- Хүндэтэ Сагаан Үбгэн, Саһан аша басаган !

Һайн даа, айлшалжа ерээт, үхибүүдтэ бэлэг асараат !

Шэнэ жэлэй баяр асараат!

Хойто жэл хүлеэгээд байхабди.

Баяртай !

Сагаан Үбгэн , Сагаан басаган :

- Шэнэ жэлээр ! Үшөө дахин бултыетнай амаршалнабди !

Баяртай !